by پیرو کے جنگلوں میں ایسے مینڈکوں کا پتہ چلا ہے جو ایک ہی جیون ساتھی کے سہارے زندگی گزارتے ہیں۔ پانی اور زمین دونوں پر رہنے والے جانوروں میں یہ پہلی مثال ہے۔
ممک پوائزن کہلانے والے ان مینڈکوں پر تجربات سے معلوم ہوا ہے کہ ان میں نر اور مادہ انتہائی وفادار ہوتے ہیں۔ اس سے بھی زیادہ حیران کن بات یہ ہے کہ ان کے نہ بھٹکنے کی صرف ایک وجہ ہے اور وہ ہے اس تالاب کا رقبہ جس میں یہ بچے رکھتے ہیں۔
سائنسدانوں کا کہنا ہے کہ یہ اب تک جمع کیے گئے شواہد میں سب سے اچھی مثال ہے کہ ایک ہی جیون ساتھی کے ساتھ زندگی گزارنے کی صرف ایک وجہ بھی ہو سکتی ہے۔
ان مینڈکوں کی جنسی زندگی کے بارے میں تفصیلات جریدے ’دی امریکن نیچرلسٹ‘ میں شائع کیے جائیں گے۔
مباثرت کے بعد مادہ مینڈک پتوں کی سطح پر انڈے دیتی ہے۔ بچے نکلنے کے بعد ان کا باپ مینڈک انہیں ایک ایک کر کے پیٹھ پر بٹھا کر درختوں کی اونچی شاخوں پر پتوں میں جمع ہونے والے پانی میں چھوڑ آتا ہے۔
ہر بچے کو الگ الگ تالاب میں رکھا جاتا ہے اور نر مینڈک ہی ان کی دیکھ بھال بھی کرتا ہے۔ بچوں کی بھوک مٹانے کے لیے باپ ان کی ماں کو آواز دیتا ہے جو ہر تالاب میں جا کر بچوں کے کھانے کے لیے انڈہ دیتی ہے۔ یہ انڈہ زرخیز نہیں ہوتا۔
بظاہر بہت سے جانور ایک ہی جیون ساتھی کے ساتھ زندگی گزارتے ہیں اور بچے پیدا کرتے ہیں۔ لیکن ان میں سے کئی موقع ملنے پر کبھی کبھار اپنے جیون ساتھی کو دھوکہ بھی دیتے ہیں۔
اسی بات کو ذہن میں رکھتے ہوئے ماہرین نے مِمِک پوائزن مینڈک پر مزید تحقیق کی۔ انہوں ان مینڈکوں کے بارہ جوڑوں کی زندگی کا مشاہدہ کیا۔ ان میں سے گیارہ ایک ہی ساتھی کے ساتھ رہے جبکہ ایک مثال ایسی تھی جس میں ایک نر مینڈک دو مادہ مینڈکوں کے ساتھ تھا۔
ان مینڈکوں کا ایک اور قسم کے مینڈکوں سے موازنہ کیا گیا جو دیکھنے میں انہی جیسے ہیں۔ یہ دوسری قسم کے مینڈک ایک سے زیادہ ساتھی رکھتے ہیں۔
ان دونوں میں مینڈکوں می ایک فرق ہے۔ ایک ہی ساتھی کے ساتھ رہنے والے چھوٹے تالاب میں بچے پالتے ہیں جبکہ دوسری قسم کے مینڈک بڑے تلاب میں بچے رکھتے ہیں۔ دوسری قسم کے مینڈکوں میں مادہ بچوں کے نشو نما میں بھی کوئی کردار ادا نہیں کرتی۔
اس سے معلوم ہوتا ہے کہ بڑے تالاب میں بچوں کو ماں سے خوراک حاصل کرنے کی ضرورت نہیں رہتی کیونکہ پانی میں ان کی خوراک کی ضرورت پوری ہو جاتی ہے۔
چھوٹے تالابوں میں رہنے والے بچوں کو پانی سے قدرتی طور پر خوراک نہیں ملتی اور انہیں دونوں ماں اور باپ کی ضرورت رہتی ہے اور اسی لیے وہ دونوں بھی ایک دوسرے کا ساتھ نہیں چھوڑتے۔
تحقیق میں شامل ڈیوک یونیورسٹی کے ڈاکٹر براؤن نے بتایا کہ یہ مینڈک حقیقت میں اپنے بچوں اور ایک دوسرے کےلیے جیتے ہیں۔
Source : BBC NEWS
ممک پوائزن کہلانے والے ان مینڈکوں پر تجربات سے معلوم ہوا ہے کہ ان میں نر اور مادہ انتہائی وفادار ہوتے ہیں۔ اس سے بھی زیادہ حیران کن بات یہ ہے کہ ان کے نہ بھٹکنے کی صرف ایک وجہ ہے اور وہ ہے اس تالاب کا رقبہ جس میں یہ بچے رکھتے ہیں۔
سائنسدانوں کا کہنا ہے کہ یہ اب تک جمع کیے گئے شواہد میں سب سے اچھی مثال ہے کہ ایک ہی جیون ساتھی کے ساتھ زندگی گزارنے کی صرف ایک وجہ بھی ہو سکتی ہے۔
ان مینڈکوں کی جنسی زندگی کے بارے میں تفصیلات جریدے ’دی امریکن نیچرلسٹ‘ میں شائع کیے جائیں گے۔
مباثرت کے بعد مادہ مینڈک پتوں کی سطح پر انڈے دیتی ہے۔ بچے نکلنے کے بعد ان کا باپ مینڈک انہیں ایک ایک کر کے پیٹھ پر بٹھا کر درختوں کی اونچی شاخوں پر پتوں میں جمع ہونے والے پانی میں چھوڑ آتا ہے۔
ہر بچے کو الگ الگ تالاب میں رکھا جاتا ہے اور نر مینڈک ہی ان کی دیکھ بھال بھی کرتا ہے۔ بچوں کی بھوک مٹانے کے لیے باپ ان کی ماں کو آواز دیتا ہے جو ہر تالاب میں جا کر بچوں کے کھانے کے لیے انڈہ دیتی ہے۔ یہ انڈہ زرخیز نہیں ہوتا۔
بظاہر بہت سے جانور ایک ہی جیون ساتھی کے ساتھ زندگی گزارتے ہیں اور بچے پیدا کرتے ہیں۔ لیکن ان میں سے کئی موقع ملنے پر کبھی کبھار اپنے جیون ساتھی کو دھوکہ بھی دیتے ہیں۔
اسی بات کو ذہن میں رکھتے ہوئے ماہرین نے مِمِک پوائزن مینڈک پر مزید تحقیق کی۔ انہوں ان مینڈکوں کے بارہ جوڑوں کی زندگی کا مشاہدہ کیا۔ ان میں سے گیارہ ایک ہی ساتھی کے ساتھ رہے جبکہ ایک مثال ایسی تھی جس میں ایک نر مینڈک دو مادہ مینڈکوں کے ساتھ تھا۔
ان مینڈکوں کا ایک اور قسم کے مینڈکوں سے موازنہ کیا گیا جو دیکھنے میں انہی جیسے ہیں۔ یہ دوسری قسم کے مینڈک ایک سے زیادہ ساتھی رکھتے ہیں۔
ان دونوں میں مینڈکوں می ایک فرق ہے۔ ایک ہی ساتھی کے ساتھ رہنے والے چھوٹے تالاب میں بچے پالتے ہیں جبکہ دوسری قسم کے مینڈک بڑے تلاب میں بچے رکھتے ہیں۔ دوسری قسم کے مینڈکوں میں مادہ بچوں کے نشو نما میں بھی کوئی کردار ادا نہیں کرتی۔
اس سے معلوم ہوتا ہے کہ بڑے تالاب میں بچوں کو ماں سے خوراک حاصل کرنے کی ضرورت نہیں رہتی کیونکہ پانی میں ان کی خوراک کی ضرورت پوری ہو جاتی ہے۔
چھوٹے تالابوں میں رہنے والے بچوں کو پانی سے قدرتی طور پر خوراک نہیں ملتی اور انہیں دونوں ماں اور باپ کی ضرورت رہتی ہے اور اسی لیے وہ دونوں بھی ایک دوسرے کا ساتھ نہیں چھوڑتے۔
تحقیق میں شامل ڈیوک یونیورسٹی کے ڈاکٹر براؤن نے بتایا کہ یہ مینڈک حقیقت میں اپنے بچوں اور ایک دوسرے کےلیے جیتے ہیں۔
Source : BBC NEWS
